Đơs sơnđờm mŭt pơrjum, Củ tịc Quôk hội ồng Vương Đình Huệ pà gĭt tàm dơ̆ pơrjum do, Ủy ƀan Thường vụ Quôk hội ai jơnau đơs tàm uă rơndăp broă lơh Adăt, tàm hơ̆ ai jơnau đơs dơ̆ sơnrờp mờ Adăt Càr lơgar (tam gơl) mờ ai jơnau đơs dơ̆ 2 mờ rơndăp broă lơh Adăt Ù tiah (tam gơl) mờ Adăt Bảo hiểm Xã hội (tam gơl).

Bè broă lơh jăt sền, Ủy ƀan Thường vụ Quôk hội ai jơnau đơs tàm jơnau yal cồng nha bơh Mpồl jăt sền mìng dùl tơngume bơh Quôk hội dê; sền swì jơnau yal bơh ală anih lơh broă dê bè lơh jăt ală Kơrnoăt bơh Quôk hội dê bè jăt sền mìng dùl tơngume mờ Kơrnoăt lùp mờ hơ jơnau lùp bơh sơnrờp tơngai lơh broă tus tŭ do.