Đơs tàm dơ̆ sơnđơm mut pơrjum lùp mờ hơ jơnau lùp, Củ tịc Quôk hội ồng Vương Đình Huệ tơngkah, tơngume lùp mờ hơ jơnau lùp jơh bal 2 gah broă ndrờm geh uă jơnau, ală kwang bàng Quôk hội lùp lơyah, di tơn mờ broă.

Ală Kwang atbồ gah lơh broă hơ song dơ pă, lơyah, di broă tờm, lơh loh ală jơnau lùp bơh kwang bàng Quôk hội lùp, mơkung đơs ală broă lơh geh ngan, geh cồng nha, di pal nàng tơnguh uă bơta pràn jak, bơta gơtùi lơh, geh cồng nha broă lơh đơng lam gah broă atbồ, di pal jơnau sồr, bơta kơ̆p gơn bơh cau tĕ khà mờ làng bol gùt lơgar dê. Dơ̆ lùp mờ hơ jơnau lùp dơ̆ do là dơ̆ nàng ală kwang atbồ gah lơh broă in yal tus mờ làng bol, cau tĕ khà ală jơnau yal tờm ngan bè cồng nha lơh broă bơh gah broă he dê. Tơn jơh dơ̆ lùp mờ hơ jơnau lùp, Ủy ƀan Thường vụ Quôk hội rơ̆p ai lơh jat Nghị quyết nàng lơh bơnàng jă lơh jat mờ jat sền.