Củ tịc Quốk hội ồng Vương Đình Huệ kis tàm hìu nhă kăc màng, tus bal lơh broă bơh nam 1979 là giáo sư, tiến sĩ Lơh sa dê. Ngai 09 nhai 03 nam 1984, geh pơnyờ să mŭt Đảng tŭ gam là cau pơgru bơto tàm hìu bơsram đại họk Tài cíñ Kế toán Hà Nội.

Đơs tàm dơ̆ pơrjum, Duh broă sùm Ƀan Ƀí thư, Kwang atbồ mpồl Rơndăp broă Dà lơgar mò Trương Thị Mai đơs nền, 40 nam lơh broă tàm Đảng, bŭ lah tàm ală bơta lơi, tàm gơnoar broă lơh lơi, ồng Vương Đình Huệ sùm jơh nùs dờn song ngan mờ Đảng, mờ Dà lơgar bal mờ làng bol, lơh jăt nền nòn củ nghĩa Mác Lê Nin, nùs nhơm Hồ Chí Minh, jơnau kờñ krơi is jơi bơtiàn mờ củ nghĩa xã hội dê. Ồng geh bơsram sùm, bơsram tàp, tơnguh uă nùs nhơm lam lài, lơh krơh bal mờ mpồl kwang bàng Đơng lam Đảng dà lơgar, Ƀộ Cíñ trị, Ƀan Ƀí thư lơh ngan sùm pơgồp bal tàm broă tam gơl pa, bơ̆t bơtàu mờ sền gàr Dà lơgar.