Đơs tềng đap ală cau jak chài, cau kơlôi sơnơng, Củ tịc Quôk hội ồng Vương Đình Huệ neh tam pà bè jơnau bơh lơgar Việt nam dê mờ gơl gùng brồ guh. Củ tịc Quôk hội đơs nền 3 jơnau bơsram tờm ngan geh ai bơh bơta geh ngan bơh lơgar Việt Nam dê, hơ̆ là kơ̆ dơn gơnoar broă đơng lam bồ bơh Đảng, Cíñ phủ, Quôk hội Việt Nam dê mờ nùs nhơm ai làng bol lơh tờm. Đơs sùm, wèt tus dùl tơnơ̆ do ring lơngai mờ Bơtàu tơnguh mờ broă wèt sền 50 nam tus ai bơta git gơp đah 2 lơgar in, Củ tịc Quôk hội sồr Việt Nam mờ Iran at tê bal lơh kơ̆ kơljap 4 bơta tàm tơrbŏ bal, hơ̆ là tàm tơrbŏ bal mpồl tìp mat tơm boh bơr mờ lơh broă bal. Jat Củ tịc Quôk hội, ồng Vương Đình Huệ đơs, pin dờn cíñ trị là bơta kuơmàng, là bơnàng jă nàng lơh broă bal đah 2 lơgar in lơh geh cồng nha mờ bơtàu tơnguh.