Củ tịc Quôk hội ồng Vương Đình Huệ sồr jơh gùt mpồl kwang bàng, cau ling kwang àng càr pơn jat tai lam lài, lơh krơh, mblàng bơsram uă ngan mờ bơyai lơh jat niam Nghị quyết Pơrjum dờng dơ̆ 13 bơh Đảng dê mờ ală Nghị quyết, Cỉ thị, jơnau đơs pơndŭt bơh Đảng bè bơt bơtàu mpồl Kwang àng.

Củ tịc Quôk hội sồr, Mpồl kwang àng càr Lào Cai lơh jat niam gơnoar broă tờm tàm broă bơt bơtàu srơh Jơh gùt làng bol sền gàr lơngap lơngai Dà lơgar; lơh pràn broă lơh hòi jà làng bol pơgồp bal mờ bơt bơtàu rài sền gàr lơngap lơngai làng bol in, lơh kơ̆ kơljap sền gàr lơngap lơngai làng bol; pơn jat tai sơlơ tơnguh mờ lơh jat niam broă lơh sền gàr rài kis mpồl bơtiàn, dong kờl làng bol tiah sar lơgar ngài, tiah nhàr lơgar, tiah kal ke uă mờ nùs nhơm “ƀañ lời cau lơi gơtìp lời wơl bơh ngkời”. Ngan là tàm tơngai sa tềp dà lơgar do pal gàr niam ai làng bol in wă rò sa tềp lơngap lơngai, geh tơl làm dùl nam pa hờm ram, chờ hờp.