Củ tịc Quốk hội đơs tờm, dơ̆ pơrjum geh bơyai lơh di tàm tơnkah 77 nam Ngai bơyai lơh Tĕ khà sơnrờp ngan pồ geh Quốk hội lơgar Việt Nam Zân củ kộng hoà geh kwơ màng ngan. Tàm tơl gùng dà broă lơh tàm tơl gơl gùng gơs dờng mờ tơnguh bơtàu, Quốk hội lơgar Việt Nam neh lơh geh uă cồng nha dờng màng, pơgồp bal di pal tàm broă bơ̆t bơtàu, sền gàr Dà lơgar Việt Nam xã hội củ nghĩa.

Tàm cồng nha bal bơh Quốk hội dê geh broă pơgồp bal dờng màng bơh ală rài kwang bàng Quốk hội, tàm hơ̆ geh 4 nă kwang bàng geh pơnyờ să geh Đảng, Dà lơgar jào pà Huân cương, do là phan pà kwơ màng ngan. Củ tịc Quốk hội ồng Vương Đình Huệ jào Huân cương Hồ Chí Minh pà Phó Củ tịc Quốk hội ồng Huỳnh Ngọc Sơn in, Phó Củ tịc Quốk hội lài do ồng Uông Chu Lưu, jào Huân cương Quân kông khà pe Thượng tướng Trần Quan Phương, Phó Củ tịc Quốk hội, jào Huân cương Lao động khà pe ồng Trần Văn, kwang dong broă Phó Củ tịc Quốk hội lài do ồng Phùng Quốc Hiển in.