VOV4.K’ho- Drim ngai 2/10, Củ tịc Quôk hội ồng Vương Đình Huệ mờ mpồl kwang bàng bơh dà lơgar dê lòt sền, jat sền broă lơh jat ală Nghị quyết bơh Quôk hội dê gơwèt mờ rơndap broă lơh bơcri priă lơh gùng rơndeh ntoăt răt Bến Lức- Long Thành mờ Ƀlàng rơndeh par dunia Long Thành.

 Củ tịc Quôk hội ồng Vương Đình Huệ pà phan ai ală hìu bơnhă trờn ơm kis pa in  

Củ tịc Quôk hội đơs là, Ƀlàng rơndeh par dunia Long Thành digơlan geh sền là dùl rơndap broă lơh kwơ màng bơh dà lơgar dê, kờp dŭ lơh sir mờ mŭt lơh broă tàm nam 2025, geh kơ̆p gơn geh gơ gơs là dùl tàm ală anih tờm ntrờn, jun pơdiang phan gah gùng rơndeh par pa ngan tàm tiah đah Jum mat tơngai lik câu Á dê. Nàng lơh sir di mờ tơngai neh sồr, Củ tịc Quôk hội ồng Vương Đình Huệ sồr càr Đồng Nai tơrgùm uă ngan, bơsong jơh broă lơh ai ù, tàm jàu ai cau bơcri priă in, lơh sră ngui ù; pơn jat tai sền gròi bơcri priă lơh sir ală broă lơh phan bơna kwơ màng drơng broă làng bol, sền gròi bơto bơtê broă lơh nàng làng bol in geh ală bơta ƀuơn tàm broă jòi broă lơh, gàr niam làng bol geh khà kis ndrờm halà jơnhoa rlau mờ tiah ơm kis yau.

VOV Tây Nguyên- Cau mblàng K’Hạnh