Củ tịc Quôk hội ồng Vương Đình Huệ kun bồ ki ngàm chu ñàng ƀô thồm kah kơlôi, kah rơngal ală bơta tă pơgồp dờng màng bơh Củ tịc Quôk hội lài do ƀồc ồng Nguyễn Hữu Thọ dê gơ wèt mờ broă lơh kăc màng bơh Đảng, Dà lơgar mờ gơwèt mờ Quôk hội.

Củ tịc Quôk hội ồng Vương Đình Huệ pơyoa jơnau gờm chờ tus hìu bơnhă Củ tịc Quôk hội lài do ƀồc ồng Nguyễn Hữu Thọ, kơ̆p kờñ hìu bơnhă pơn jat tai đòm jat bơhiàn, tă pơgồp uă ngan broă lơh bơt bơtàu mờ sền gàr Dà lơgar, jơh nùs tus bal tă pơgồp jơnau đơs tàm broă lơh bơt bơtàu Adat bơh Quôk hội dê. Di dơ̆ do, hìu bơnhă Củ tịc Quôk hội lài do ƀồc ồng Nguyễn Hữu Thọ neh jàu pà Củ tịc Quôk hội ồng Vương Đình Huệ in bàr pe pang sră cih bè rài kis mờ broă lơh kăc màng bơh Củ tịc Quôk hội lài do ƀồc ồng Nguyễn Hữu Thọ dê.