Củ tịc Quôk hội đơs niam broă lơh mblàng yal jơnau broă lơh, Ƀộ Thông tin mờ Truyền thông neh jơh nùs ai tơlik jơnau đơs Cíñ phủ in nàng tam gơl jơnau git wă, broă lơh tàm broă mblàng yal jơnau broă lơh bơh ală anih lơh broă dà lơgar dê. Jat hơ̆, mblàng yal jơnau broă lơh pal geh sền là dùl broă, dùl kơnòl bơh gơnoar atbồ dê.

Tàm broă lơh bơt bơtàu, lơh sir mpồl lơh broă, Ƀộ Thông tin mờ Truyền thông neh ngac ngar ngan, ai tơlik jơnau đơs Cíñ phủ in nàng yal Quôk hội in ring bal Adat lơngăp lơngai tàm internet, Adat tam gơl, bơtơl 2, 3 bơta bơh Adat Tần số vô tuyến đèng dê. Tŭ do, rơndap lơh Adat kă bro điện tử (tam gơl) neh geh Quôk hội ai jơnau đơs dơ̆ sơn rờp, kờp dŭ Quôk hội rơp ring bal tàm Pơrjum dơ̆ 5 mờr tus. Rơndap lơh Adat Viễn thông (tam gơl) bơh Ƀộ Thông tin mờ Truyền thông là mpồl đơng lam cih gơs neh geh tơmut tàm broă lơh bơt bơtàu adat boh lam, kơrnuat boh lam nam 2023.