VOV4.K’ho - Pơn jăt tai dơ̆ tus lơh broă tàm ală càr đah jum tàm gùl lơgar, mho òr (26/07), Củ tịc Quốk hội ồng Vương Đình Huệ bal mờ mpồl kwang bàng lơh broă neh lơh broă mờ Ƀan Thường vụ Tỉñ ủy Quảng Ngãi.

                  Củ tịc Quốk hội ồng Vương Đình Huệ lơh broă mờ Ƀan Thường vụ Tỉñ ủy Quảng Ngãi

                 Củ tịc Quốk hội ồng Vương Đình Huệ lơh broă mờ Ƀan Thường vụ Tỉñ ủy Quảng Ngãi

Jăt jơnau yal bơh kwang đơng lam càr Quảng Ngãi, gơguh GRDP nam 2021 geh 6,05%; 6 nhai bồ nam kờp dŭ geh 6,34%. Gah lơh sa mờ măi mŏk pơn jăt tai là bơta pràn tờm lơh gơguh lơh sa càr dê; nhơl chờ, broă lơh drơng ala geh uă bơta gơguh niam; tă tàm kes priă dà lơgar sùm gơguh, sơrlèt mờ 51,1% khà dà lơgar jào; 06 nhai bồ nam kờp dŭ geh mờr 17 rơbô tơmàn đong. Ring bal mờ gùng dà kơnòl lơh broă càr dê tàm tơngai tus, Củ tịc Quốk hội ồng Vương Đình Huệ sồr, càr Quảng Ngãi pơn jăt tai tam gơl pa, bơceh lơh, lơh ngan lơh geh cồng nha ală kơnòl cíñ trị càr dê; tơrgùm lơh jăt ờ uă rơndăp broă lơh dờng, ngui jơh bơta pràn bơh càr dê nàng tơnguh bơtàu; geh sùm nùs nhơm kơ̆p kờñ gơguh gơs càr jăk pràn di pal mờ jơnau kơ̆p kờñ bơh ƀồc Thủ tướng ồng Phạm Văn Đồng lài do dê, nàng càr Quảng Ngãi gơs dùl tàm ală tiah tờm tơnguh bơtàu tiah tàm gùl dà lơgar dê.

Cau mblàng Ndong Brawl