VOV4.K’ho- Mho ngai 01/04, tàm Hìu Quôk hội, Củ tịc Quôk hội ồng Vương Đình Huệ đơng lam dơ̆ lơh broă mờ kwang đơng lam bồ Tỉñ ủy Bến Tre. Dơ̆ lơh broă tơrgùm iăt yal dùl êt broă bơtàu tơnguh lơh sa- mpồl bơtiàn bơh càr Bến Tre dê nam 2021; iăt ală jơnau đơs, jơnau dan bơh càr dê bè kơrnoăt boh lam, broă dong kờl loh làng nàng kờñ dong càr Bến Tre bơtàu tơnguh tàm tŭ tơngai Thủ tướng Cíñ phủ ồng Phạm Minh Chính pa kĭ rơndăp ù tiah bơtàu tơnguh Tiah ring dà dờng Cửu Long.

Đơs pơndŭt dơ̆ lơh broă, Củ tịc Quôk hội ồng Vương Đình Huệ sền bal dùl nùs bal mờ jơnau dan bơh càr Bến Tre dê bè lam lơh tơrlòng lài rơndăp broă lơh sơgràm dà lềng tàm bàr pe tiah kềng gah dà lềng bơh càr dê, Củ tịc Quôk hội tơngkah, càr pal pơgồp bal niam mờ Ƀộ Kế hoạc mờ Đầu tư nàng lơh. Củ tịc Quôk hội kờñ bal jơnau dan bơh càr dê bè broă gờñ bơcri priă lơh gùng tơrgùm jăt kềng gah gùng lam lòt tus rbàng Rạch Miễu 2; sồr càr pơgồp bal mờ ală Ƀộ kờp sền ală bơnah priă, tă pơgồp jơnau đơs mờ Cíñ phủ, Quôk hội sền swì, lơh nền broă ai priă jền ai rơndăp broă lơh in.

Cau mblàng Lơ Mu K’Yến