Jat jơnau yal bơh Tỉñ ủy Bình Thuận dê, nam 2022 mờ quý 1 nam 2023 do, lơh sa bơh càr dê bơtàu tơnguh mhar, ndrờm bal tàm jơh 3 gah tờm là lơh sa mờ măi mok, lòt nhơl mờ lơh sa suơn sre. Khà gơguh kờp jơh phan lơh gơs geh 7,75%. Tơm priă dia nam lài geh 11 rbô 300 tơmàn đông, quý 1 nam do kờp dŭ geh rlau 2 rbô 350 tơmàn đông.

Củ tịc Quôk hội nting bơr gờm chờ, cih dờp mờ jờng rơ bơta lơh ngan, bơta pơn đơl pràn mờ ală cồng nha bơh Đảng ƀộ, gơnoar atbồ, ling klàng mờ làng bol càr Bình Thuận dê; mờ kung sồr, tàm tơngai gam wơl bơh tơngai lơh broă do dê, Đảng ƀộ càr Bình Thuận pal sền sơ wì, kờp sền wơl broă lam lơh broă lam lơh jat broă rơndap lơh, Nghị quyết Pơrjum dờng Đảng gùt lơgar dơ̆ 13, ală nghị quyết bơh Đảng dà lơgar, Quôk hội, Cíñ phủ mờ Nghị quyết bơh pơrjum dờng Đảng ƀộ càr dê dơ̆ 14. Càr pal pơn jat tai lơh niam broă lơh bơt bơtàu Đảng, bơt bơtàu anih lơh broă cíñ trị, lơh kơ̆ kơljap nùs nhơm ai kwang bàng, đảng viên in. Do là kơnòl broă kuơmàng ngan, pal lam lơh loh làng, song dơpă, sàng goh jat tàm kơrnuat bơh mpồl bal dê.