Dờp jơnau jà bơh Củ tịc Quôk hội lơgar Campuchia dê, Củ tịc Mpồl duh broă ală Nghị viện ală dà lơgar tiah đah jum mat tơngai lik câu Á (AIPA) ồng Samdech Heng Samrin dê, drim do 19/11, Củ tịc Quôk hội Việt Nam ồng Vương Đình Huệ lam bồ Mpồl Kwang bàng kâp dờng ala mat Quôk hội Việt Nam neh sơnđờm lòt còp ngan ngồn lơgar Campuchia mờ lòt Pơrjum dờng Ală Nghị viện ală lơgar tiah đah jum mat tơngai lik câu Á ASEAN dơ̆ 43 (AIPA- 43) bơh ngai 19 tus 22/11 do.

Dơ̆ lòt còp ngan ngồn tus lơgar Campuchia bơh Củ tịc Quôk hội Việt Nam ồng Vương Đình Huệ dê mờ Mpồl Kwang bàng kâp dờng ala măt Quôk hội lơgar he nàng kờñ dong kờl ai bơta gĭt gơ̆p “lơgar rềp bal niam bơnĕ, lơh bơyô bal ờs mờng bơh yau, lơh broă bal tơl ală bơta, kơ̆ kơl jăp jŏ jòng” đah 2 lơgar ngai sơlơ gơlòt mŭt ngan ngồn tàm uă broă, geh ngan mờ cồng nha rlau. Cribơyai bè gùng dà lơh broă bal đah anih lơh broă lơh adat boh lam 2 lơgar dê tàm tơngai tus jơh bal tàm mpồl 2 gah mờ uă lơgar; cribơyai ai jơnau đơs bè broă dunia mờ tàm tiah do mờ 2 gah ndrờm sền gròi.