Bàr gah dồ nùs ring bal hòi jà lam lơh jăt geh cồng nha “Jơnau yal bơr bal bè broă pơn jăt tai lơh jrô ơnàng mờ tơnguh gơnoar broă gĭt gơ̆p Tam klăc lơh broă bal jŏ jòng tơl làm, bơ̆t bơtàu Mpồl bơtiàn tam pà bal rài tơnơ̆ do đah lơgar Việt Nam mờ Lo geh gơtha kwơmàng”; lơh jăt niam gơnoar broă bơh Quôk hội  2 lơgar dê tàm broă tơnguh lơh broă bal đah 2 lơgar. Củ tịc Quôk hội ồng Vương Đình Huệ sồr 2 gah lơh pràn tàm tơrbŏ bal jŏ jòng bơtàu tơnguh, tơnguh uă rlau tai bơta niam, cồng nha lơh broă bal tàm ală gah broă lơh. Củ tịc Quôk hội ồng Vương Đình Huệ kơ̆p kờñ 2 gah bơ̆t bơtàu bal rùp rài bơcri priă pa bơh ală mpồl lơh sa kă bro dờng, geh bơta pràn jak, bơngă pin dờn, măy mok lơgar Lo dê tàm Việt Nam.

Tơnơ̆ tŭ tơn jơh dơ̆ pơrjum cribơyai tơn, Củ tịc Quôk hội ồng Vương Đình Huệ mờ ồng Triệu Lạc Tế, Củ tịc Quôk hội lơgar Lo neh kĭ sră nggal jơnau ring bal lơh broă bal đah Quôk hội lơgar Việt Nam mờ Quôk hội lơgar Lo.

Tàm ngai òr (08/04), Củ tịc Quôk hội ồng Vương Đình Huệ wă rò kwang đơng lam bồ bàr pe Tập đoàn khà dùl tàm gah broă lơh gùng lòt, gùng rơndeh ồs, năng lượng lơgar Lo dê; lòt còp Anih tờm Kơlôi sơnơng mờ Bơtàu tơnguh bơh Tập đoàn Huawei dê.