Đơs tàm pơrjum, Củ tịc Quôk hội ồng Vương Đình Huệ cih dờp, jờng rơ uă ngan Mặt trận Dà lơgar Việt Nam, ală mpồl kwang bàng neh sùm bơsram lơh jat jrô ơnàng làm uă ngan nùs nhơm bơh Pơrjum dờng dơ̆ XIII bơh Đảng dê bè lơh jat niam zân củ xã hội củ nghĩa, bơt bơtàu mờ ngui niam bơta pràn mpồl tam klăc dờng jơh gùt jơi bơtiàn, lơh jat geh cồng nha gùng dà broă lơh “Đảng đơng lam, Dà lơgar atbồ, Mặt trận Dà lơgar mờ ală mpồl cíñ trị- mpồl bơtiàn lơh tờm” mờ jơnau đơs “làng bol gĭt, làng bol cribơyai, làng bol lơh, làng bol sền sơwì, làng bol jat sền, làng bol dờp lèng”.

Tàm tơngai tus, Củ tịc Quôk hội ồng Vương Đình Huệ  sồr 2 anih lơh broă pơn jat tai sơlơ tơnguh pơgồp bal tàm broă lơh bơt bơtàu kơ̆ kơl jăp mpồl tam klăc dờng jơh gùt jơi bơtiàn. Do là bơhiàn kwơ màng, gùng dà broă lơh dờng màng ngan, lơh jat sùm bơh Đảng dê; bơta pràn dờng màng, bơta tờm lơh geh cồng nha broă lơh bơt bơtàu mờ sền gàr Dà lơgar.