Jat jơnau yal, quý 1, ală anih lơh broă neh tă pơgồp jơnau đơs, drơng broă bơyai lơh geh cồng nha 2 dơ̆ pơrjum nisơna bơh Quôk hội dê, 8 dơ̆ pơrjum bơh Ủy ƀan Thường vụ Quôk hội dê,… Tàm quý 2 do, ală anih lơh broă bơh Quôk hội dê rơp lơh sir sră nggal yal Quôk hội in ring bal tàm pơrjum dơ̆ 7 gơ wèt mờ 9 rơndap lơh adat boh lam, 1 jơnau rơcang cih Nghị quyết. Bè broă lơh bơh nhai 4 dê, quý 2, broă tờm là rơcang drơng ai pơrjum Đảng dà lơgar dơ̆ 9 in; dơ̆ pơrjum Quôk hội dơ̆ 7, Củ tịc Quôk hội ồng Vương Đình Huệ sồr bơh tơnơ̆ pơrjum do tơn, Kwang gơnoar cih, Kwang atbồ Cơldŭ lơh broă Quôk hội kơlôi sơnơng, cih dờp jơnau đơs tàm dơ̆ lơh broă nàng kờp sền jơh ală tơngume broă lơh bơh tŭ do tus jơh quý 2. Gơ wèt mờ ală sră nggal adat boh lam mờ sră nggal cèng bơta pơlam lơh jat jơnau cih adat boh lam, pal kờp sền tơmut tàm broă lơh bơh dơ̆ pơrjum Ủy ƀan Thường vụ Quôk hội dơ̆ 32, 33 dê jat 2, 3 jơnau pal jat. Jơh ală tơngume bơh tŭ do tus jơh quý 2, broă pal lơh lài ngan là ai pơrjum dơ̆ 7, Quôk hội khoă XV in.