Jăt Củ tịc Quốk hội đơs, nam 2022 neh tơn jơh tàm bơta geh uă bơta broă mờ bềng lìu ală bơta, broă lơh bơh Quốk hội dê.

Tàm ală dơ̆ pơrjum Quốk hội, Ủy ƀan thường vụ Quốk hội, Hội đồng zân tộk, ală anih lơh broă bơh Quốk hội, ală anih lơh broă gơwèt Ủy ƀan Thường vụ Quốk hội, tơl mpồl kwang bàng Quốk hội mờ tơl nă kwang bàng Quốk hội, kung bè ală kwang bàng pơlam, dong broă, kwang bàng, kông cứk, cau lơh broă tàm Cơl dŭ lơh broă Quốk hội neh geh uă broă lơh ngan pơgồp bal tàm broă tam gơl pa, tơnguh uă bơta niam broă lơh Quốk hội dê. Mờ nùs nhơm bơh să tờm, Củ tịc Quốk hội ồng Vương Đình Huệ chờ gờm ală kwang bàng Quốk hội; kwang bàng, kông cứk, viên cứk, cau lơh broă tàm Cơl dŭ lơh broă Quốk hội nam pa pràn kơl dang, bềng lìu bơta chờ mờ geh cồng nha rơlao tai tàm nam 2023.