Đơs tàm dơ̆ tìp măt, Củ tịc Quốk hội ồng Vương Đình Huệ đơs niam jơnau bơceh lơh bơh Mpồl drơng broă kwang bàng, mpồl nghị sỹ cau ùr neh pơgồp bal bơyai lơh uă broă lơh ai cau ùr in. Củ tịc Quốk hội đơs nền, ală tơngai lơh broă Quốk hội mờ bơh sơnrờp tơngai lơh broă Quốk hội khoă XV tus tŭ do, Quốk hội sùm geh broă jòi sền, tam gơl pa geh cồng nha tơl ală bơta.

Tàm cồng nha hơ̆, ndrờm geh gơnoar broă bơh ală cau ùr kwang bàng Quốk hội, ală oh mi lơh broă tàm ală anih lơh broă Quốk hội. Tàm hơ̆ uă ngan là tàm tơngai lơh broă Quốk hội khoă XV dê geh khà Kwang bàng Quốk hội cau ùr gal ngan tàm 10 tơngai lơh broă pa do, geh 30,26%, khà kwang bàng do geh nghị viện ală lơgar đơs niam. Củ tịc Quốk hội pin dờn là, ală cau ùr kwang bàng Quốk hội geh pơn jăt tai ngui ală cồng nha neh lơh geh, geh ală broă pơgồp bal rơlao tai tàm broă lơh bơh Quốk hội dê, lơh geh uă cồng nha dờng màng nàng lơh niam bơnĕ rơlao tai bơhiàn jăk chài mờ wèt tus tơnkah 80 nam Quốk hội lơgar Việt Nam dê.