Di dơ̆ tus bal pơrjum dờng AIPA dơ̆ 44 tàm Jakarta, lơgar Indonesia, Củ tịc Quôk hội ồng Vương Đình Huệ neh geh dơ̆ tìp mat mờ Củ tịc Hạ viện lơgar Philippines ồng Ferdinand Martin Romualdez.

Tàm dơ̆ tìp mat, Củ tịc Quôk hội ồng Vương Đình Huệ jờng rơ ală broă bơtàu tơnguh pràn kơl dang tàm tơl ală gah bơh bơta gĭt gơ̆p Lơh broă bal kwơ màng đah Việt Nam mờ Philippines, ngan là tìp mat kwang bàng kấp dờng. Bàr nă kwang đơng lam bồ ring bal sơlơ tơnguh bơta gĭt gơ̆p 2 lơgar dê bơtàu tơnguh geh mut lơh broă ngan ngồn, ngan là tàm gah lơh sa - kă bro mờ bơcri priă, pơnđơl pràn lơh ngan ai priă lơh geh bơh kă bro phan mờ lơgar ndai đah 2 gah dê lơh geh 10 tơmàn dolar Mỹ. Củ tịc Quốk hội sồr lơgar Việt Nam mờ Philippines pal lơh broă bal nàng bơtàu tơnguh ală anih lơh gơlik phan, lơh geh bơta ƀuơn ai broă blơi phan bơh lơgar ndai ală gah phan tờm bơh lơgar Việt Nam dê, tàm hơ̆ geh phe, phan lơh bơt bơtàu mờ ală gah phan mờ lơgar Philippines geh bơta ƀuơn bơta pràn mờ lơgar Việt geh jơnau kờñ. Bàr gah kung ring bal lơh broă bal tàm 2 gah broă kwơ màng là tam gơl sồ mờ tam gơl năng lượng.