Bàr nă kwang đơng lam bồ chờ hờp sền gŏ bơta git gơp lơh bơyô mờ lơh broă bal niam bơnĕ đah 2 lơgar ngai sơlơ lơh kơ̆ kơljap mờ bơtàu tơnguh. Lơh broă bal lơh sa bơtàu tơnguh ngan ngồn mờ broă Thái Lan là lơgar lơh broă bal kă bro dờng ngan rlau jơh bơh lơgar Việt Nam dê tàm ASEAN mờ là lơgar bơcri priă dờng dơ̆ 2 tàm ASEAN.

Nam 2023, bàr lơgar tơngkah kir sơnrai 10 nam ngai lơh bơta git gơp lơh broă bal kuơmàng, Củ tịc Quôk hội sồr ală anih lơh broă bơh 2 lơgar dê sơlơ tơnguh bơta tàm pơgồp bal, sồr lam lơh jơnau bơceh lơh “Pe tàm tơrbŏ”, geh tàm tơrbŏ ròt mpồl lơh gơlik mờ tac phan; tàm tơrbŏ bal lơh sa, mpồl lơh sa kă bro mờ càr, ƀòn dờng; tàm tơrbŏ bal ală broă rơndap lơh gơguh lơh sa kơ̆ kơljap, pơn đơl pràn mhar lơh geh jơnau kờñ priă lơh geh bơh kă bro 2 lơgar gơguh tus 25 tơmàn dolar Mỹ. Củ tịc Quôk hội sồr Quôk hội Thái Lan pơn jat tai lơh gơlik bơta ƀuơn ai mpồl bơtiàn cau Việt Nam in tàm lơgar Thái Lan mờ dong kờl bơtàu tơnguh niam chài Việt Nam tàm lơgar Thái Lan, lơh bơnàng jă sơlơ tơnguh pràn kơldang tìp mat lơh kwèng làng bol 2 lơgar.