Tàm dơ̆ tìp mat kấp dờng, 2 nă kwang đơng lam bồ đơs niam ngan bè ală bơta bơtàu tơnguh bơh bơta gĭt gơ̆p 2 Đảng, 2 lơgar Việt Nam mờ Lo dê tàm tơngai pa do, cribơyai ală broă lơh nàng kờñ ngui niam bơta ƀuơn, bơta pràn bơh 2 gah dê, sơlơ tơnguh rlau tai bơta gĭt gơ̆p lơh broă bal đah ală ƀộ, ngàñ, ală tiah đah lơgar Việt Nam mờ càr Vân Nam, lơgar Lo dê tàm tơngai tus.

Củ tịc Quôk hội ồng Vương Đình Huệ đơs nền gùng dà broă lơh ờ tŭ lơi tam gơl bơh Đảng, Dà lơgar Việt Nam dê bè broă pơn jat tai lơh jrô ơnàng làm uă mờ tơnguh gơnoar broă bơta gĭt gơ̆p lơgar rềp bal lơh bơyô bal bơh yau, lơgar lơh broă bal kwơ màng tơl làm, mpồl bơtiàn tam pà bal tàm rài tơnơ̆ do đah lơgar Việt Nam mờ Lo geh gơtha kwơ màng. Củ tịc Quôk hội kơ̆p kờñ 2 gah pơgồp bal niam tàm broă lơh atbồ, sền gàr tiah nhàr lơgar jat 03 sră nggal bè tiah nhàr lơgar tềng hơ đang ù gờl mờ ală jơnau ring bal geh gơrềng, pơgồp bal bơsong niam ală broă gam gơ kòl mờ dơ̆ broă gơlik geh tàm tiah nhàr lơgar, bơt bơtàu gùng tiah nhàr lơgar ring lơngai, kơ̆ kơl jăp.