VOV4.K’ho- Pơn jat tai dơ̆ lơh broă tàm dơ̆ lòt còp ngan ngồn lơgar Anh, mho ngai 29/6 jat jơ tiah do tàm càr lơgar London, Củ tịc Quôk hội ồng Vương Đình Huệ neh tìp mat kwang ala mat Kwang atbồ anih tờm priă jền London ồng Peter Estlin.

Tàm dơ̆ tìp mat, Củ tịc Quôk hội ồng Vương Đình Huệ đơs nền, gơnoar broă bơh anih tờm priă jền London dê là dùl tàm 4 anih tờm priă jền dờng ngan rlau jơh dunia, uă mpồl priă jền ngân hàng lơgar Anh bè Prudential, HSBC, Standard Chartered... neh lơh broă geh cồng nha tàm lơgar Việt Nam tàm ală nam do. Củ tịc Quôk hội sồr đah lơgar Anh dong kờl Việt Nam lơh sir bơnàng jă adat boh lam tàm gah priă jền, ngân hàng, mpồl ai điểm ală kông ty mờ mpồl lơh sa kă bro. 2 gah kung ai tơnggŏ bơta kơp kờñ tàm tơngai tus, ală git gơp lơh broă bal ală kâp, bơt bơtàu thể cế, adat boh lam, sap sèng ngân hàng, tơnguh bơta pràn tơm priă bơh ală mpồl lơh sa kă bro dê, sơlơ tơnguh git gơp kă bro đah Anh mờ Việt Nam bơtàu tơnguh niam bơnĕ.

Cau mblàng K’Duẩn