VOV4.K’ho- Drim ngai 18/05, tàm hìu lơh broă Quôk hội, Củ tịc Quôk hội ồng Vương Đình Huệ neh tìp mat mờ Kwang atbồ lơgar Hy Lạp. Củ tịc Quôk hội ồng Vương Đình Huệ chờ hờp sền gŏ bơta gĭt gơ̆p lơh bơyô bal mờ lơh broă bal uă gah đah 2 lơgar dê tàm tơngai pa do sùm geh bơt bơtàu mờ bơtàu tơnguh niam bơnĕ ngan, tơngŏ bơh broă lòt còp bal mờ gơ̆p đah Mpồl ală kwang bàng kấp dờng dê, ngan là đah Kwang đơng lam bồ kấp dờng 2 lơgar. Gĭt gơ̆p lơh broă bal lơh sa- kă bro bơtàu tơnguh uă ngan, ngan là kờp bơh tŭ Hiệp đinh EVFTA geh lam lơh jat.

Củ tịc Quốk hội ồng Vương Đình Huệ tìp mat Kwang atbồ lơgar Hy Lạp

Củ tịc Quôk hội sồr, 2 lơgar pơn jat tai sơlơ tơnguh lơh broă bal tàm ală gah mờ lơgar Hy Lạp geh bơta pràn mờ Việt Nam geh jơnau kờñ bè lơh sa dà lềng, lơh ơ hò, anih ơhò ơm, nhơl chờ, mơkung gờñ ring bal, kĭ hơ hiệp định pleh mờ broă tă dia 2 dơ̆ mờ hiệp định pơndiang phan gùng dà lềng nàng kờñ lơh geh ală bơta ai broă lơh tàm pơgơl lơh sa, kă bro 2 gah dê.

Cau mblàng K’Hạnh