Đơs tờm câu Âu là mpồl tam klăc lơh broă bal kwơ màng lơgar Việt Nam dê, Củ tịc Quốk hội kơ̆p kờñ ală Đại sứ bal mờ kwang bàng, cau lơh broă ală Đại sứ quán tàm ală lơgar pơn jăt tai lơh jăt tơl, jăk chài Nghị quyết Pơrjum dờng dơ̆ XIII bơh Đảng dê mờ cồng nha Pơrjum Lơh broă mờ lơgar ndai gùt lơgar mờ ală sră nggal ndai gơrềng bal tus mờ broă lơh mờ lơgar ndai.

Bè cíñ trị cri bơyai broă mờ lơgar ndai, pal lơh jăt bơta tờm git gơ̆p lơh bơyô bal ờs mờng niam bơnĕ nàng tơnguh bơta pin dờn cíñ trị bơh broă lơh pràn broă tàm pơgơl mpồl kwang bàng lòt còp bal tàm ală kấp, ală gah broă, tàm jơh ală gah. Củ tịc Quốk hội hòi jà ală Đại sứ pal sền kwơ broă cri bơyai broă mờ lơgar ndai lơh sa, lơh pràn broă ală lơgar gam tai gờñ kĭ Kơrnoăt hơ bal Dong kờl bơcri priă đah lơgar Việt Nam mờ mpồl tam klăc câu Âu nàng ai geh bơta ƀuơn ală broă bơcri priă, cèng wơl bơta kwơ ai bàr gah in.