Tàm dơ̆ tìp, Củ tịc Quốk hội ồng Vương Đình Huệ đơs nền Việt Nam sùm sền gròi, jat sền mờ chờ hờp ngan tềng đap ală cồng nha niam bơnĕ mờ lơgar Bulgaria neh lơh geh tàm broă lơh bơtàu tơnguh lơh sa- mpồl bơtiàn tàm tơngai pa do, pơgồp bơnah bơt bơtàu mờ tơnguh uă gơnoar broă bơh lơgar Bulgaria dê tàm anih lơh broă dunia.

Bàr gah ring bal gờñ lơh dơ̆ Khoă pơrjum 24 Ủy ƀan ală Cíñ phủ Việt Nam mờ Bulgaria tàm nam 2023 tơn nàng kờp sền, ring bal ală broă lơh geh ngan nàng chồl tơnguh lơh broă bal lơh sa- kă bro- bơcri priă đah 2 lơgar dê. Cribơyai bè ală broă tàm tiah do mờ tàm dunia, 2 nă kwang đơng lam bồ ring bal pal sơlơ tơnguh lơh broă bal niam mờ pơgồp bal tàm ală dơ̆ cribơyai uă lơgar mờ tàm tiah do dê, ngan là Liên hợp quốk, ASEM, ASEAN-EU.