Tàm dơ̆ tìp măt tơm bơh bơr, Củ tịc Quôk hội đơs nền, lơgar Việt Nam sùm sền dờng màng gĭt gơ̆p lơh bơyô bal mờ lơh broă bal mờ lơgar Uruguay; sền dờng màng nùs nhơm tam klăc mờ bơta dong kờl bơh làng bol lơgar Uruguay dê lời ai làng bol lơgar Việt Nam in tàm rài tam lơh jòi geh bơta lơngăp lơngai is jơi bơtiàn in mờ tơngklàs dà lơgar lài do, kung bè tàm broă lơh bơtàu tơnguh dà lơgar tŭ do. Bàr nă kwang đơng lam bồ tơlik nùs nhơm chờ hờp tŭ gĭt gơ̆p đah Việt Nam mờ Uruguay pơn jăt tai bơtàu tơnguh niam ngan, ală mpồl lơh broă bal geh lơh broă geh cồng nha; bàr gah lơh sùm pơgồp bal cribơyai niam ngan tàm ală dơ̆ cribơyai dunia mờ mpồl uă lơgar kwơmàng gùt plai ù, ngan là tàm Liên hợp quôk, Mpồl Kă bro Dunia (WTO), Cribơyai Lơh broă bal Tiah đah mat tơngai lik câu Á mờ Mỹ Latinh, ring bal sền gàr bal ală bơta pal jăt mờ bơta kwơ bơh nùs nhơm uă lơgar dê tàm tŭ dunia pơn jăt tai geh ală bơta gơlik geh kal ke, kal ke gơtùi gĭt lài mờ jơnau gơlời wơl tài gơrềng bơh kòp dờng Kovid-19 dê.