Do là kwang đơng lam bồ lơgar Lo sơnrờp mờ Củ tịc Quôk hội ồng Vương Đình Huệ tìp mat tàm dơ̆ lòt còp ngan ngồn lơgar Lo. Broă Tổng Ƀí thư, Củ tịc lơgar Lo ồng Tập Cận Bình rơndăp dơ̆ tìp mat Củ tịc Quôk hội ồng Vương Đình Huệ sơnrờp tơnơ̆ tŭ mpồl tus Bắc Kinh tơn tơngŏ bơta sền dờng màng uă ngan bơta gĭt gơ̆p 2 lơgar dê mờ dơ̆ lòt còp bơh mpồl kwang bàng kấp dờng bơh Đảng mờ Dà lơgar Việt Nam.

Bàr nă kwang đơng lam bồ tơngŏ bơta chờ hờp tềng đăp bơta bơtàu tơnguh niam ngan bơh bơta gĭt gơ̆p đah lơgar Việt Nam mờ Lo dê, đơs sùm rơ̆p pơn jat tai sơlơ tơnguh tìp mat lơh kwèng làng bol, ngui niam gơnoar broă bơh kwang bàng Quôk hội, Quôk hội 2 lơgar dê tàm broă yal tơngĭt jơnau yal, mblàng yal jơnau, lơh geh bơta ring bal mpồl bơtiàn, bơh hơ̆ lơh pràn lơh broă bal đah 2 lơgar tàm tàm ală gah. Jờng rơ uă ngan mờ tơngŏ bơta sền dờng màng ală jơnau đơs lơh broă bal bơh lơgar Việt Nam dê, Tổng Ƀí thư, Củ tịc lơgar Lo ồng Tập Cận Bình đơs nền lơgar Lo rcang lài bal mờ lơgar Việt Nam gàr niam dơ̆ cribơyai kwơ màng, sơlơ tơnguh tìp mat kwang bàng kấp dờng mờ ală kấp, sơlơ tơnguh tìp mat lơh kuèng, lơh broă bal gah Đảng, tam pà bal mờng chài lơh broă, cribơyai jơnau tàm sră pơ àr bè bơt bơtàu tơnguh Đảng mờ atbồ Dà lơgar, sơlơ tơnguh lơh broă ngan ngồn, lơh mhar tàm tơrbŏ bal lơh broă jŏ jòng, jờng rơ lơgar Việt Nam tus bal tàm tơrbŏ bal mờ ală broă lơh kwơ màng bơtàu tơnguh ală kơnhoàl ù tiah dờng bơh lơgar Lo dê.