Di 5 jiơ 40 phuk mho ngai 12/04, Củ tịc Quôk hội ồng Vương Đình Huệ mờ mpồl kwang bàng kấp dờng lơgar he dê neh tus ƀlàng rơndeh par Nội Bài, tơn jơh niam bơnĕ ngan dơ̆ lòt còp ngan ngồn lơgar Lo bơh ngai 07 tus ngai 12 nhai 04 nam 2024. Dơ̆ lòt còp ngan ngồn do neh geh rlau 40 broă lơh ngan ngồn kwang bàng kấp dờng mờ uă broă lơh kềng bơdìh li la geh bơyai lơh tàm ƀòn dờng Bắc Kinh, ƀòn dờng Thượng Hải mờ càr Vân Nam. Là kwang đơng lam bồ tờm bơh Đảng mờ Dà lơgar dê, dơ̆ lòt còp bơh Củ tịc Quôk hội ồng Vương Đình Huệ dê ờ mìng pơgồp bơnah tàm bơta gĭt gơ̆p lơh broă bal đah 2 anih lơh broă lơh adat boh lam lơm mờ gam tơrgùm bal bơh bơta gĭt gơ̆p đah 2 Đảng, 2 Dà lơgar tàm uă gah bơh cíñ trị, lơngăp lơngai- sền gàr Dà lơgar, lơh broă bal ngan ngồn, ngan là lơh sa- kă bro, bơcri priă, tàm tơrbŏ bal gùng lòt, pơgồp bal mờ uă lơgar, tìp mat lơh kwèng làng bol 2 lơgar dê.

 Mờ uă cồng nha li la uă ngan, geh mut lơh ngan ngồn, dơ̆ lòt còp ngan ngồn lơgar Lo bơh Củ tịc Quôk hội ồng Vương Đình Huệ dê pơn jat tai là broă lơh pa tàm bơta gĭt gơ̆p 2 lơgar, tơngŏ bơta tă pơgồp kwơ màng, geh ngan bơh anih lơh broă lơh adat boh lam gơwèt mờ bơta bơtàu tơnguh bal bơh bơta gĭt gơ̆p 2 Đảng, 2 Dà lơgar Việt Nam mờ Lo dê.