Củ tịc Quốk hội ồng Vương Đình Huệ tus bal Cri bơyai “Lơh niam wơl mpồl lơh sa kă bro dà lơgar mờ atbồ priă dà lơgar tàm mpồl lơh sa kă bro lơgar Việt Nam mờ lơgar Lo”
Thứ tư, 13:41, 10/04/2024
Cau mblàng Ndong Brawl/VOV
Cau mblàng Ndong Brawl/VOV
VOV4.K’Ho- Tàm dơ̆ lòt còp ngan ngồn lơgar Lo, mho òr (09/4), tàm càr lơgar Bắc Kiñ lơgar Lo, Củ tịc Quôk hội ồng Vương Đình Huệ tus bal cribơyai “Tam gơl wơl mpồl lơh sa kă bro dà lơgar mờ atbồ priă bơcri dà lơgar tàm mpồl lơh sa kă bro đah lơgar Việt Nam mờ lơgar Lo.
Đơs mut cribơyai, Phó Thủ tướng Cíñ phủ ồng Trần Lưu Quang jờng rơ mờ đơs niam bơta lơh ngan bơh ală gah geh gơrềng dê neh pơgồp bal bơyai lơh cribơyai; mờ kung đơs nền lơh broă bal lơh sa – kă bro – bơcri priă đơs bal mờ lơh broă bal đah ală mpồl lơh sa kă bro 2 lơgar đơs is.
Tàm dơ̆ cribơyai, kwang bàng 2 lơgar neh cribơyai bè cồng nha, jơnau bơsram bè atbồ priă bơcri mờ phan bơna dà lơgar tàm lơgar Lo; jơnau bơsram mờng chài mờ ală broă geh ai tơlik gơwèt mờ broă tam gơl wơl mpồl lơh sa kă bro dà lơgar tàm Việt Nam mờ ală tơngume dờng ndai geh sền gròi; bal mờ gơp cribơyai nàng tơnguh rơlau tai gơnoar broă mờ bơta kuơ bơh mpồl lơh sa kă bro dà lơgar dê gơ wèt mờ rài lơh sa tơl lơgar đơs is, lơh broă bal lơh sa 2 lơgar đơs bal.
Viết bình luận