Đơs tàm dơ̆ cribơyai, Củ tịc Quôk hội ồng Vương Đình Huệ đơs nền, bơta geh mat bơh gal ngan ală cau ala mat ală anih lơh broă, mpồl lơh sa kă bro 2 lơgar mờ kuơmàng là Củ tịc Thượng viện là bơta pơn jờng, lơh chờ hờp chờ hờn nùs nhơm sơn đờm mut lơh broă, nùs nhơm bơcri priă bơh ờ mìng ală cau bơcri priă, ală mpồl lơh sa kă bro tus bal Cribơyai dê mờ gam jơh bal ală mpồl lơh sa kă bro, cau bơcri priă 2 lơgar dê. 

Củ tịc Quôk hội kơp kờñ, ală mpồl lơh sa kă bro cribơyai, đơs tus tơl bơta sền gròi tus anih bơcri priă kă bro tàm lơgar Việt Nam nàng ală ƀộ, gah broă lơh bơh Việt Nam dê hơ mơ tơn; kơp kờñ geh ală bơta tàm tơrbŏ bal đah mpồl lơh sa kă bro mờ mpồl lơh sa kă bro nàng jòi git bal mờ gơp, geh ală tŭ niam lơh broă bal mờ gơp, ai git gơp pin dờn cíñ trị bè cribơyai broă mờ lơgar ndai đah 2 lơgar là bơta pràn chul chồl ai bơtàu tơnguh lơh sa mờ dipal mờ git gơp jŏ jòng bơh 2 lơgar dê.