Củ tịc Quôk hội ồng Vương Đình Huệ đơs nền, tàm mờr 50 nam do, lơh broă bal bơto bơsram, bơto bơtê sùm là broă lơh tờm mờ là bơta niam tàm lơh broă bal lơh bơyô đah 2 lơgar. Tŭ do geh mờr 30 rbô nă cau bơsram dờng Việt Nam gam bơsram, kơlôi sơnơng tàm lơgar Australia. Củ tịc Quôk hội pin dờn là, cribơyai geh lơh gơlik dùl tŭ tơngai pa ai bơta lơh broă bal bơto bơsram đah 2 lơgar dùl bă kơ̆ kơljap, jŏ jòng, pơgồp bơnah sơlơ tơnguh bơta git gơp lơh broă bal jŏ jòng đah Việt Nam mờ Australia.

Tàm dơ̆ cribơyai, Củ tịc Quôk hội ồng Vương Đình Huệ, Đại sứ Australia tàm Việt Nam ồng Andrew John Lech Goledzinowski neh sền ală hìu bơsram Đại họk Việt Nam mờ Australia tàm pơ gơl 12 sră nggal, sră cih kah bè tàm pơ gơl cau bơsram dờng, cau pơgru mờ lơh broă bal kơlôi sơnơng, lơh bal bơto bơtê tàm ală gah, bè: gùng lòt pơndiang phan, lơh sa suơn sre, kỹ thuật.