Đơs tàm dơ̆ cribơyai, Củ tịc Quôk hội ồng Vương Đình Huệ đơs wơl broă kuơmàng ngan tàm dơ̆ lòt còp pa do bơh Thủ tướng new Zealand dê tus lơgar Việt Nam, 2 lơgar neh kĭ jơnau ring bal lơh broă bal đah Ƀộ Giáo zụk Việt Nam mờ New Zealand.

Jat Củ tịc Quôk hội đơs, do là bơnàng jă adat boh lam kuơmàng ngan nàng 2 lơgar sơlơ tơnguh bơta tàm tơrbŏ bal, lơh broă bal bơto bơsram ờ mìng đah Cíñ phủ mờ Cíñ phủ, đah Ƀộ mờ Ƀộ mờ gam tàm tơrbŏ bal đah ală anih bơto bơtê mờ bơsram baol mờ gơp. Đơs nền, broă lơh bal tàm gah bơto bơsram mờ New Zealand geh pơgồp bal mờ bơto dà Mỹ. Củ tịc Quôk hội pà git, do là dùl bơta ƀuơn mờ ờ di lơgar lơi kung geh; mờ kung kơp kờñ Cribơyai geh pờ gơs dùl tŭ tơngai pa ai lơh broă bal bơto bơtê mờ bơsram đah 2 lơgar Việt Nam mờ New Zealand.