Đơs tàm dơ̆ Cribơyai, Củ tịc Quôk hội ồng Vương Đình Huệ yal bè bơta bơtàu tơnguh lơh sa, bơcri priă tàm Việt Nam; mơkung pà gĭt, Quôk hội mờ Cíñ phủ lơgar Việt Nam gam pơn jăt tai lơh sir adat boh lam, lơh geh tiah bơcri priă kă bro ƀươn ƀoài ngan rlau jơh ai ală cau bơcri priă tàm lơgar mờ bơdìh lơgar in, geh bal mpồl lơh sa kă bro dà lơgar mờ mpồl lơh sa kă bro is làng bol dê, mpồl lơh sa kă bro lơgar ndai.

Củ tịc Quôk hội ồng Vương Đình Huệ sồr 2 gah pơn jăt tai ai tơl bơta ƀươn ai broă tăc mờ lơgar ndai ală phan bơna geh bơta pràn tàm drà kă bro bơh gơ̆p dê, mùl màl là tăc mờ lơgar ndai anih lơh gơlik phan mờ giă lơh gơs phan kơ̆ kơl jăp ală phan bơna tơngời, khuah nàñ bơh Santa Fe mờ 3 càr tiah đah tàm gùl lơgar Argentina dê đơs is mờ bơh lơgar Argentina dê đơs bal. Việt Nam kơ̆p kờñ 3 càr sền swì, blơi ală phan bơna niam bơkah uă bơh Việt Nam dê, bè: kơphê, phe, tàñ mai, gar điều, măy mok phan ngui điện tử nàng tơnguh uă priă geh bơh kă bro đah 2 gah wèt tus lơh tàm pơnring priă geh bơh kă bro đah 2 lơgar dê.