VOV4.K’ho- Mho ngai 29/08, tàm Hìu Quôk hội, ồng Vương Đình Huệ, Củ tịc Quôk hội tus bal Dơ̆ bơyai lơh jàu pà Gai lòng 40 nam mŭt Đảng. Tàm dơ̆ bơyai lơh, Củ tịc Quôk hội ồng Vương Đình Huệ neh jàu Gai lòng 40 nam mŭt Đảng pà Phó Củ tịc duh broă sùm Quôk hội ồng Trần Thanh Mẫn in mờ Phó Củ tịc Quôk hội ồng Trần Quang Phương in.

Đơs chờ hờp bal mờ 2 nă oh mi chờ hờp geh dờp Gai lòng 40 nam mŭt Đảng, Củ tịc Quôk hội ồng Vương Đình Huệ đơs nền, broă jàu pà ală sră jờng rơ dờng màng ngan bơh Đảng dê là nàng cih dờp ală cồng nha, dà kơlhề dờng ngan mờ 2 nă kwang bàng neh tă pơgồp ai broă lơh kăc màng bơh Đảng mờ bơh jơi bơtiàn dê in. Do ờ mìng là bơta chờ hờp bơh să tờm ală kwang bàng dê mờ gam là bơta chờ hờp bal gơwèt mờ ală mpồl đảng gơwèt bal mờ gơwèt mờ Đảng ƀộ Anih lơh broă Cơldŭ lơh broă Quôk hội dê.

Cau mblàng Lơ Mu K’Yến