Đơs tàm dơ̆ bơyai lơh tơngkah kir sơnrai, Phó Củ tịc Duh broă sùm Quôk hội Việt Nam ồng Trần Thanh Mẫn sồr, Mpồl lơh broă jơnau kơ̆p kờñ làng bol dê kờñ pal pơn jăt tai jăt sền di mờ lơh jăt ală Kơrnoăt bơh Pơrjum dờng cau ala măt gùt lơgar dơ̆ XIII bơh Đảng dê: ală kơnòl broă geh jàu tàm Broă lơh Lơh broă bơh Đảng đoàn Quôk hội dê lơh jăt Kơrnoăt Pơrjum dờng dơ̆ XIII bơh Đảng dê. Mpồl lơh broă jơnau kơ̆p kờñ làng bol dê đơng lam, pơgồp bal niam mờ ală anih lơh broă geh gơrềng lam lơh Rơndăp broă lơh bơh Đảng đoàn Quôk hội dê bè “Pơn jăt tai tam gơl pa, tơnguh uă bơta niam mờ cồng nha broă lơh jơnau kơ̆p kờñ làng bol dê bơh Quôk hội dê”; sùm bơtơl, kơlôi sơnơng nền ală jơnau cih tàm kơrnoăt bơh Đảng, Dà lơgar dê, ngan là ală broă cau tĕ khà mờ làng bol sền gròi uă nàng tơrgùm jơh, tă pơgồp jơnau đơs gơ in di, di ngan, di tŭ. Ala măt kwang bàng đơng lam bồ Đảng, Dà lơgar, Củ tịc Quôk hội ồng Vương Đình Huệ neh jàu pà Gai lòng Lơh broă khà Bàr ai Mpồl lơh broă jơnau kơ̆p kờñ làng bol dê bơh Quôk hội dê in.