VOV4.K’ho- Mang ngai 9/10, tàm ƀòn dờng Phổ Yên, càr Thái Nguyên neh bơyai lơh Dơ̆ yal Nghị quyết bơh Ủy ƀan Thường vụ Quôk hội dê bè broă crơng gơs ală sơnah ƀòn gơwèt thị xã Phổ Yên mờ crơng gơs ƀòn dờng Phổ Yên, càr Thái Nguyên; dờp Gai lòng Lơh broă khà 1 dơ̆ 3.

Củ tịc Quôk hội ồng Vương Đình Huệ đơs tàm dơ̆ yal

Đơs tàm dơ̆ dơ̆ yal, Củ tịc Quôk hội ồng Vương Đình Huệ đơs ngan ƀòn dờng Phổ Yên geh pơn jat tai bơtàu tơnguh pràn kơldang, ngai sơlơ pas sơm, ngăc ngar, gơ gơs là ƀòn dờng tơlir, ngăc ngar, nhăp nhar, pa ngan, mŭt gơ rờm bal, bal mờ ƀòn dờng Thái Nguyên, ƀòn dờng Sông Công mờ ală kơnhoàl bơh càr dê, bơt bơtàu càr Thái Nguyên gơ gơs là dùl tàm ală anih tờm lơh sa mờ măi mok pa ngan, dùl tiah gơguh lơh sa bơh tiah thòng, tiah kơh bơnơm đah tô dà lơgar mờ tiah càr lơgar Hà Nội dê, lơh geh bơta pin dờn mờ bơta kơ̆p kờñ bơh làng bol dê.

VOV Tây Nguyên- Cau mblàng K’Hạnh