Tàm dơ̆ lòt còp ngan ngồn tus lơgar Lo, Củ tịc Quôk hội ồng Vương Đình Huệ rơp geh ală dơ̆ tìp mat, pơrjum cribơyai mờ kwang đơng lam bồ kâp dờng lơgar Lo, tus bal ală dơ̆ Cribơyai bè broă lơh, tìp mat lơh bơyô bal đah làng bol Việt Nam mờ Lo, cribơyai, wă kwang đơng lam bồ ală tập đoàn dờng mờ còp Đại sứ quán Việt Nam tàm lơgar Lo, tìp mat mpồl bơtiàn cau Việt Nam tàm lơgar Lo… 

Củ tịc Quôk hội ồng Vương Đình Huệ pà git, Quôk hội Việt Nam mờ Quôk hội lơgar Lo rơp kĭ pa jơnau ring bal lơh broă bal ala ai Jơnau ring bal lơh broă bal neh kĭ nam 2015 mờ ală tơngume pa. Bal mờ Jơnau ring bal lơh broă bal pa đah Quôk hội Việt Nam mờ Quôk hội lơgar Lo, Cơldŭ lơh broă Quôk hội Việt Nam mờ Cơldŭ lơh broă Ủy ƀan Thường vụ Quôk hội lơgar Lo kung rơp dơ̆ sơn rờp kĭ Jơnau ring bal lơh broă bal nàng kờñ lam lơh jat ală tơngume lơh broă bal đah Quôk hội 2 lơgar.