Đơs bè bơta bal bơh dà lơgar dê tàm nam 2022, Củ tịc Quôk hội ồng Vương Đình Huệ đơs là, Lào Cai geh tă pơgồp uă ngan tàm cồng nha bal bơh Dà lơgar dê. Ngan là, mpồl ling sền gàr tiah nhàr lơgar tàm jơh gùt lơgar neh geh ală broă lơh geh kwơ ngan, bè “Nam pa Mpồl ling sền gàr tiah nhàr lơgar- ram mhŭ nùs nhơm ƀòn lơgar”, “Nam pa Mpồl ling sền gàr tiah nhàr lơgar ram mhŭ nùs nhơm làng bol tiah nhàr lơgar”, dờp ròng kòn ròng là ală sau geh rài kis kal ke, ròng siam bơto bơtê tus tŭ ală sau ntào dờng.

Tàm do, Củ tịc Quôk hội ồng Vương Đình Huệ neh jàu pà Pôs đồng ling sền gàr tiah nhàr lơgar Bát Xát, Pôs đồng ling sền gàr tiah nhàr lơgar Y Tý, Pôs đồng ling sền gàr tiah nhàr lơgar A Mú Sung, Pôs đồng ling sền gàr tiah nhàr lơgar Trịnh Tường, Mpồl lơh sa gah sền gàr dà lơgar 345, hìu bơnhă cíñ sác, hìu bơnhă rƀah, kông ñân mờ cau lơh broă geh rài kis kal kê, làng bol kòn cau dùl ết nă cau in.