Củ tịc Quốk hội ồng Vương Đình Huệ tus bal dơ̆ lơh do. Tơlik nùs nhơm ngoh rơngăc ngan tŭ sền broă tam gơl măt sơnđan Kông viên Hoà Bình mùl màl gơs Kông viên Hồ Chí Minh, Củ tịc Quốk hội ồng Vương Đình Huệ đơs tờm, lơgar Cuba pơnyờ să geh Củ tịc Fidel Castro.

Lơgar Việt Nam pơnyờ să geh Củ tịc Hồ Chí Minh; kông viên Hồ Chí Minh là dùl tàm ală broă lơh geh kwơ màng rài lài do, bơta niam chài bal mờ ală broă lơh rài lài do, phan lời wơl niam chài ndai tàm càr lơgar La Habana dê ai gơs dùl mpồl niam bơnĕ ngan, bè ală bơkào lì lơh niam rơlao tai bơta hòi jà bơh càr lơgar La Habana gơguh jăk, kờñ gơboh mờ cau năc, niam bơnĕ dê. Củ tịc Quốk hội kơ̆p kờñ gơnoar atbồ bal mờ làng bol kis tàm quận Plaza, càr lơgar La Habana pơn jăt tai prăp gàr, nàng Kông viên Hồ Chí Minh sùm là dùl rùp rài geh kwơ màng, geh sùm tàm nùs nhơm tơl làng bol lơgar Cuba mờ lơgar Việt Nam dê.