Củ tịc Quốk hội đơs niam tàm broă tơrgùm git gơ̆p đah bàr lơgar, lơh broă bal gah bơto bơtê mờ bơsram geh kwơ màng ngan mờ ngai sơlơ tơnguh bơtàu. Mờ rơlao 30 rơbô nă cau bơsram dờng bal mờ cau lơh broă kơlôi sơnơng lơgar Việt Nam gam bơsram tàm lơgar Australia, lơh broă bal bơto bơtê ờ mìng pơgồp bal tàm broă tơnguh bơtàu cau lơh broă lơgar Việt Nam mờ lơh sa lơgar Australia dê, mờ gam là che tơrbŏ bal bơta chài rơgơi kơ̆ kơl jăp, là rơbàng tơrbŏ bal bơta git gơ̆p, lơh bơyô bal đah làng bol bàr lơgar dê.

Ƀộ trưởng Ƀộ Giáo dụk lơgar Australia pà git: Lơgar Việt Nam tŭ do ơm dơ̆ poan bè khà gal kơnòm bơsram, cau bơsram dờng bơsram tàm lơgar Australia mờ sùm pin dờn tàm ală bơta niam lơh broă bal dờng màng tàm gah bơto bơtê mờ bơsram đah bàr lơgar dê. Bàr gah đơs là, broă bơyai lơh pơrjum cri bơyai Lơh broă bal bơto bơtê đah lơgar Việt Nam mờ lơgar Australia di dơ̆ tus còp lơgar Australia bơh Củ tịc Quốk hội là broă lơh geh kwơ màng, pơgồp bơnah tàm broă lơh pràn lơh broă bal bơto bơtê mờ bơsram đah bàr lơgar.