Củ tịc Quôk hội ồng Vương Đình Huệ wă Ƀộ trưởng Ƀộ Thương mại mờ Zu lịc Australia
Thứ năm, 10:40, 01/12/2022
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Mho ngai 30/11, kung tàm dơ̆ lòt còp Australia, Củ tịc Quôk hội ồng Vương Đình Huệ neh wă Thượng Nghị sĩ ồng Don Farrel- Ƀộ trưởng Ƀộ Thương mại mờ Zu lịc Australia.
Củ tịc Quôk hội ồng Vương Đình Huệ mờ Ƀộ trưởng ồng Don Farrel chờ hờp sền gŏ, tàm tơngai kòp dờng Kovid-19 pa do, bơta gĭt gơ̆p kă bro đah 2 lơgar kung gam gơguh pràn. Kờp dŭ nam do, priă lơh geh bơh kă bro phan mờ lơgar Australia geh 15 tơmàn đolar Mỹ, Việt Nam là lơgar kă bro dờng dơ̆ 10 bơh lơgar Australia dê.
Củ tịc Quôk hội ồng Vương Đình Huê kơ̆p kờñ 2 gah pơn jat tai lơh geh ală bơta ƀuơn ai mpồl lơh sa kă bro, cau bơcri priă 2 lơgar in mơkung yal tàm dơ̆ lòt còp do sơl, Việt Nam mờ Australia geh bơyai lơh dơ̆ Cribơyai lơh broă bal lơh sa mờ cribơyai lơh broă bal gah bơto bơtê.
Viết bình luận