Tàm dơ̆ wă, 2 gah jờng rơ uă ngan bơta gĭt gơ̆p lơh broă bal đah Việt Nam mờ Nhờk tàm tơngai pa do. Lơh broă bal Nghị viện mờ tìp mat lơh kwèng làng bol geh gơnoar broă kwơ màng bơtàu tơnguh bơta gĭt gơ̆p đah Việt Nam mờ Nhờk. Củ tịc Quôk hội sồr Cíñ phủ 2 lơgar lơh broă bal nàng lơh jrô ơnàng làm uă rlau tai bơta gĭt gơ̆p 2 lơgar tàm tơngai bơta pa. 2 gah kung ring bal pal sơlơ tơnguh tàm tơrbŏ bal đah kòn bơnus mờ kòn bơnus, do là bơta tờm ngan, kwơ màng ngan rlau jơh, là bơnàng jă ai bơta bơtàu tơnguh, sơlơ bơtàu tơnguh bơta gĭt gơ̆p đah Việt Nam mờ Nhờk. Bơdìh mờ hơ̆ pal sơlơ tơnguh tàm tơrbŏ bal đah mpồl lơh sa kă bro mờ mpồl lơh sa kă bro, ală tiah mờ ală tiah.

Bè lơh broă bal Quốk hội halà Nghị viện 2 lơgar, Củ tịc Quốk hội ồng Vương Đình Huệ sồr, ồng Yamaguchi Natsuo pơn jăt tai dong kờl Quốk hội lơgar Việt Nam mờ Nhờk sơlơ tơnguh dơ̆ tàm pơgơl mpồl kwang bàng kấp dờng lòt còp bal mờ gơ̆p mờ ală kấp, đah mpồl Nghị sỹ kơnòm să, mpồl nghị sĩ cau ùr, lơh jăt niam gơnoar broă mpồl Nghị sỹ gĭt gơ̆p lơh bơyô bal mờ Tam klăc bal Nghị sĩ gĭt gơ̆p lơh bơyô bal đah lơgar Nhờk mờ Việt Nam...