VOV4.K’ho- Mho mang ngai 24/08, tàm Hìu lơh broă Quôk hội, Củ tịc Quôk hội ồng Vương Đình Huệ wă Củ tịc Mpồl Nghị sĩ lơh bơyô bal Hàn Quôk mờ Việt Nam ồng Kim Tae Nyeon di dơ̆ tus còp mờ lơh broă tàm Việt Nam.

Củ tịc Quôk hội ồng Vương Đình Huệ wă Củ tịc Mpồl Nghị sỹ lơh bơyô bal Hàn  Quốc - Việt Nam

Tàm dơ̆ wă, Củ tịc Quôk hội ồng Vương Đình Huệ đơs ngan, Việt Nam sùm sền dờng màng bơta gĭt gơ̆p mờ lơgar Hàn Quôk mờ sền gĭt Hàn Quôk là lơgar lơh broă bal jŏ jòng kwơ màng khà dùl, jŏ jòng bal mờ bơta pin dờn uă ngan ờ mìng tàm tiah đah tô mat tơngai lik câu Á lơm mờ gam tàm gùt plai ù tai, Cíñ phủ Việt Nam sùm lơh geh ală bơta ai ală cau bơcri priă, jơh bal mờ ală cau bơcri priă priă jền lơh broă tàm Việt Nam. Bè bơta gĭt gơ̆p 2 anih lơh broă lơh adat boh lam, Củ tịc Quôk hội ồng Vương Đình Huệ jờng rơ uă ngan gơnoar broă bơh Củ tịc Mpồl Nghị sĩ lơh bơyô bal Hàn Quôk mờ Việt Nam bal mờ mpồl Nghị sĩ là mpồl dong tơnguh bơta bơtàu tơnguh bơta gĭt gơ̆p lơh broă bal đah 2 Quôk hội mờ làng bol 2 lơgar dê; pin dờn là, tàm tơngai lơh broă do, 2 mpồl Nghị sĩ lơh bơyô bal geh pơn jat tai sơlơ tơnguh uă broă lơh tìp mat lơh kuèng geh cồng nha, geh ngan, pơgồp bơnah sơlơ tơnguh bơta gĭt gơ̆p lơh bơyô bal mờ lơh broă bal đah làng bol 2 lơgar dê.

Cau mblàng K’Hạnh