Củ tịc Quốk hội ồng Vương Đình Huệ chờ gờm mpồl kwang bàng ala măt kấp dờng Đảng, Dà lơgar Cuba tus còp lơgar Việt Nam mờ tus Tơnkah 50 nam dơ̆ tus còp bơh ồng Fidel Castro, Kwang đơng lam lơgar Cuba dê tus tàm tiah tơnklàs đah jum lơgar Việt Nam tàm càr Quảng trị (09/1973-09/2023).

Bàr Củ tịc Quốk hội đơs niam broă tàm pơgơl mpồl kwang bàng kấp dờng mờ ală kấp đah bàr lơgar đơs bal mờ 2 Quốk hội đơs is geh sùm tàm tơngai do. Nàng lơh pràn bơta git gơ̆p lơh broă bal đah bàr Quốk hội bàr lơgar dê tàm tơngai tus, bàr gah pal pơn jăt tai lơh pràn broă tàm pơgơl mpồl kwang bàng kấp dờng mờ ală kấp, tàm hơ̆ uă ngan là đah ală Mpồl Nghị sĩ lơh bơyô bal mờ ală anih lơh broă Quốk hội. Bàr Củ tịc Quốk hội kung ring bal geh bơyai lơh pơrjum đah Ủy ƀan bàr Nghị viện bàr lơgar tàm nam 2024.