Củ tịc Quốk hội ồng Vương Đình Huệ đơs là, dơ̆ tìp là bơta niam nàng cri bơyai broă lơh tàm Tiah do dê, iăt jơnau dan bơh đah Tiah do mờ kwang bàng tàm mpồl dê nàng bơh tŭ hơ̆, ai geh jơnau dong kờl tơrbŏ bal bàr gah lơh sa, hòi jà uă rơlao tai mpồl lơh sa kă bro tus bal bơcri priă tàm ală gah broă mờ bàr gah geh bơta pràn.

Tập đoàn tơnguh bơtàu Tiah Clark geh broă rơndăp ù tiah ơnàng  rơlao 32 rơbô lồ mờ ală gah broă, tàm hơ̆ geh: Kông nghệ thông tin, lơh sa mờ măi mŏk kông nghệ kao, gah rơndeh par, logistics mờ nhơl chờ. Tus tŭ do Tập đoàn tơnguh bơtàu Tiah Clark neh hòi jà geh 1 rơbô 100 nă cau bơcri priă, ngui geh 127 rơbô nă cau lơh broă mờ ai geh priă tăc phan mờ lơgar bơdìh 3 tơmàn 900 tơlăk dolar Mỹ. Broă lơh do kung neh tơn jơh niam bơnĕ dơ̆ tus còp mùl màl lơgar Philippines bơh Củ tịc Quốk hội ồng Vương Đình Huệ bal mờ Mpồl kwang bàng kấp dờng Quốk hội lơgar he dê.