VOV4.K’ho- Mho mang ngai 31/5, tàm Hìu lơh broă Quôk hội, Củ tịc Quôk hội ồng Vương Đình Huệ neh wă Đại sứ lơgar Anh tàm lơgar Việt Nam ồng Gareth Ward. Tàm dơ̆ wă, Củ tịc Quôk hội ồng Vương Đình Huệ đơs niam bơta bơtàu tơnguh niam bơnĕ tàm git gơp lơh broă bal đah Quôk hội Việt Nam mờ Nghị viện Anh tàm ală nam do.

Củ tịc Quôk hội ồng Vương Đình Huệ wă Đại sứ lơgar Anh

2 gah neh gàr sùm tàm pơgơl Mpồl kwang bàng ală kâp, gàr sùm broă tìp mat, tàm lùp tàm ală dơ̆ cribơyai nghị viện uă lơgar, kuơmàng là tàm Liên miñ Nghị viện dunia (IPU), Pơrjum lơh broă bal Nghị viện câu Á- câu Âu (ASEP). Đơs nền bơta lơh broă bal geh cồng nha đah Quôk hội 2 lơgar là bơta kuơmàng pơgồp bơnah tơnguh rlau tai git gơp lơgar lơh broă jŏ jòng Việt nam- Anh, Củ tịc Quôk hội ồng Vương Đình Huệ kơp kờñ, Đại sứ Gareth Ward pơn jat tai lơh rbàng tơrbŏ ai broă sơlơ tơnguh git gơp đah 2 Quôk hội, ai tơlik ală broă lơh lơh broă bal wèt tus tơngkah kir sơnrai 50 nam ngai lơh git gơp lơh broă bal đah 2 lơgar tàm nam 2023.

Cau mblàng K’Duẩn