Củ tịc Quốk hộk ồng Vương Đình Huệ chờ gờm ồng Chay Navuth neh lơh gơs jăk chài tơngai lơh broă tàm lơgar Việt Nam; đơs niam ală broă pơgồp bal bơh ồng dê tàm broă tơnguh bơta git gơ̆p rềp bal niam bơnĕ, lơh bơyô bal ờs mờng, lơh broă bal tơl ală bơta, kơl jăp jŏ jòng đah bàr lơgar tàm jơh ală gah Đảng, Dà lơgar, Cíñ phủ, Nghị viện mờ tìp bal làng bol. Củ tịc Quốk hội đơs tờm, Quốk hội lơgar Việt Nam, să tờm Chủ tịc Quốk hội Việt Nam geh lơh jơh pràn nàng pơgồp bal tàm broă tơnguh, lơh niam nùs nhơm tam klăc bal, lơh bơyô bal bal mờ broă lơh bal tơl ală bơta đah bàr Đảng, bàr Dà lơgar; tơlik nùs nhơm kơ̆p kờñ, bŭ lah tàm ală gơnoar broă lơh lơi, ồng Đại sứ kung geh pơn jăt tai ai nùs nhơm niam, jơh nùs lơh pràn rơlao tai bơta git gơ̆p niam bơnĕ đah bàr Đảng, 2 lơgar, bal mờ làng bol 2 lơgar dê.