VOV4.K’ho - Mho òr (14/06), Củ tịc Quốk hội ồng Vương Đình Huệ neh wă Đại sứ lơgar New Zealand mò Tredene Cherie Dobson. Củ tịc Quốk hội tơlik nùs nhơm chờ hờp tềng đăp mờ ală broă tơnguh bơtàu niam broă lơh git gơ̆p, lơh broă bal jŏ jòng đah lơgar Việt Nam mờ lơgar New Zealand tàm tơngai do.

                             Củ tịc Quốk hội ồng Vương Đình Huệ wă Đại sứ lơgar New Zealand

Di tàm dơ̆ do, Củ tịc Quốk hội ồng Vương Đình Huệ ưn ngài Cíñ phủ lơgar New Zealand tàm bơta kal ke ngan neh dong kờl lơgar Việt Nam tàm broă rơcang sơndră mờ kòp Kovid-19 bal mờ tàm tơngai brồ guh wơl, tơnguh bơtàu lơh sa. Quốk hội lơgar Việt Nam ưn ngài Cíñ phủ, làng bol lơgar New Zealand sùm sền gròi mờ ai geh bơta pràn kwơ màng dong kờl priă ODA nàng lơgar Việt Nam lơh jăt ală jơnau kờñ tơnguh bơtàu kơl jăp, tơrgùm tàm ală gah broă mờ lơgar New Zealand geh bơta pràn mờ lơgar Việt Nam kờñ bè lơh sa suơn sre, tơnguh bơtàu ƀòn lơgar, bơto bơtê mờ bơsram, tơnguh bơtàu cau lơh broă, atbồ mờ rơcang sơndră mờ rềs àr bơh trồ tiah, tam gơl trồ tiah mờ tơmù rơƀah.

Cau mblàng Ndong Brawl