VOV4.K’ho - Mho òr (19/07), tàm hìu Quốk hội, Củ tịc Quốk hội ồng Vương Đình Huệ wă Kwang atbồ dờng đơng pơlam Ngân hàng dunia (WB) ồng Axel van Trotsenburg, di tàm dơ̆ tus còp mờ lơh broă tàm lơgar Việt Nam bơh ngai 17 tus 19 nhai 07.

                  Củ tịc Quốk hội ồng Vương Đình Huệ wă Kwang atbồ đờng đơng pơlam Ngân hàng dunia

             Củ tịc Quốk hội ồng Vương Đình Huệ wă Kwang atbồ đờng đơng pơlam Ngân hàng dunia

Củ tịc Quốk hội ồng Vương Đình Huệ đơs tờm, WB sùm là dùl mpồl lơh broă kwơ màng mờ pin dờn neh dong kờl niam nàng lơgar Việt Nam lơh jăt ală jơnau kờñ tơnguh bơtàu kơl jăp. Tàm COP26, lơgar Việt Nam neh ai geh jơnau hơ pràn ngan tus nam 2050 ai khà tơlik nhơm ƀơ̆ rê ndrờm mờ 0. Do là khà jơnau hơ ndrờm bal mờ ală lơgar tàm câu Âu, tơlik broă lơh ngan uă mờ geh kơnòl bơh lơgar Việt Nam dê bal mờ mpồl bơtiàn dunia. Kwang atbồ dờng WB pà git, WB neh tơnguh tai 50% khà priă hơ lơh broă bal mờ ală lơgar tơngai tơnơ̆ mờ kòp kovid-19 tus 200 tơmàn dolar Mỹ. Broă dong kờl do nàng ală lơgar gơtùi rơcang sơndră mhar tềng đăp mờ bơta tung lơtang, mờ geh bồ tơngoh kơlôi sơnơng jŏ jòng, wèt tus jơnau kờñ tơnguh bơtàu jŏ jòng mờ kơl jăp.

Cau mblàng Ndong Brawl