Củ tịc Quôk hội ồng Vương Đình Huệ jờng rơ uă cồng nha lơh broă lơh sa kă bro bơh Mpồl ală Kông ty Samsung tàm Việt Nam dê. Kơ̆p kờñ Samsung pơn jat tai bơcri priă  jŏ jòng, bơtàu tơnguh tàm Việt Nam, Củ tịc Quôk hội đơs nền, Quôk hội Việt Nam, Cíñ phủ Việt Nam sùm sền gròi lơh pa wơl broă bơcri priă lơh sa kă bro, sơlơ tơnguh bơta chài tàm pơrlòng, lơh geh ală bơta ƀuơn ngan rlau jơh ai ală cau bơcri priă in lơh broă sa jŏ jòng mờ ƀuơn ƀoài ngan tàm Việt Nam.

Ồng Park Hark Kyu đơs sùm, Samsung gơtùi bơcri priă jŏ jòng mờ pơn jat tai lơh geh cồng nha tàm Việt Nam, do ngan là bơta dong kờl, lơh geh ală bơta bơh Quôk hội, Cíñ phủ Việt Nam dê neh lơh tiah bơcri priă niam ngan ai ală mpồl lơh sa kă bro in. Tơngai tus, mpồl lơh sa kă bro rơ̆p pơnđơl pràn lơh ngan ai jơh bơta pràn là mpồl lơh sa kă bro bơcri priă dờng ngan rlau jơh mờ jŏ jòng tàm lơgar Việt Nam.